(٢٦٧) حمزہ بن مغیرہ بن شعبہ (رض) اپنے والد سے نقل فرماتے کہ رسول اللہ (صلی اللہ علیہ وآلہ وسلم) (نماز سے) پیچھے رہ گئے، میں بھی آپ (صلی اللہ علیہ وآلہ وسلم) کے ساتھ تھا، جب آپ قضائے حاجت سے فارغ ہوگئے تو آپ (صلی اللہ علیہ وآلہ وسلم) نے فرمایا : کیا تیرے پاس پانی ہے ؟ میں پانی کا ایک برتن لے آیا تو آپ نے اپنی ہتھیلیاں اور چہرہ دھویا، پھر اپنے بازوؤں کو نکالنا شروع ہوئے، جبے کی آستین تنگ ہوگئی تو اپنے ہاتھوں کو جبے کے نیچے سے نکالا اور جبے کو اپنے کندھوں پر ڈال دیا۔ پھر اپنے بازؤ وں کو دھویا اور اپنی پیشانی، پگڑی اور موزوں پر مسح کیا۔۔۔