(٢٦٦٦) (ا) اسی طرح کی حدیث ایک دوسری سند سے بھی منقول ہے۔ مگر اس میں یہ ہے کہ ” ہم رسول اللہ (صلی اللہ علیہ وآلہ وسلم) کے ساتھ گرمی کی شدت میں نماز ادا کرتے تو ہم میں سے کوئی آدمی اپنے ہاتھ میں کنکریاں پکر لیتا جب وہ ٹھنڈی ہوجاتیں تو وہ ان کو نیچے رکھ کر ان پر سجدہ کرتا۔
(ب) شیخ ابوبکر فرماتے ہیں کہ یہ دو حدیثیں جن کو بشر بن مفضل نے روایت کیا ہے۔ ان میں سے ایک کپڑے کے بارے میں اور دوسری کنکریوں کے بارے میں ہے۔
(ج) امام بیہقی فرماتے ہیں : نبی (صلی اللہ علیہ وآلہ وسلم) سے عمامہ کی پٹی پر سجدہ کرنے کے بارے جو روایت منقول ہے وہ ثابت نہیں ہے، بلکہ صحیح یہ ہے کہ اس بارے میں حسن بصری (رح) سے جو منقول ہے وہ رسول اللہ کے صحابہ ] کا عمل ہے۔