(٢٦٨٠) (ا) سعید بن ابو سعید مقبری اپنے والد سے روایت کرتے ہیں کہ انھوں نے نبی (صلی اللہ علیہ وآلہ وسلم) کے آزاد کردہ غلام ابو رافع (رض) کو حسن بن علی (رض) کے پاس سے گزرتے دیکھا۔ آپ (رض) نماز ادا کر رہے تھے۔ آپ نے زلفوں کی مینڈھیاں بنا کر گردن کے پیچھے ڈال رکھی تھیں۔ ابورافع (رض) نے وہ مینڈھیاں کھول دیں۔ حضرت حسن (رض) غصہ کے عالم میں ان کی طرف مڑے تو ابورافع (رض) نے کہا : اپنی نماز جاری رکھوغصہ نہ کرو۔ میں نے رسول اللہ (صلی اللہ علیہ وآلہ وسلم) سے سنا کہ یہ بالوں کی مینڈھیاں شیطان کے بیٹھنے کی جگہ ہیں، یعنی مینڈھیوں کا جوڑا بنانا منع ہے۔
(ب) عبدالرزاق کی حدیث میں ہے میں ہے کہ آپ (رض) نے فرمایا : یہ شیطان کی بیٹھنے کی جگہ ہیں ۔
(ج) جوڑے کی کراہت کے بارے میں حضرت عمر، علی، حذیفہ اور عبداللہ بن مسعود (رض) کی روایات گزر چکی ہیں۔