(٢٦٨٥) عبداللہ بن عباس (رض) سے روایت ہے کہ رسول اللہ (صلی اللہ علیہ وآلہ وسلم) نے پردہ اٹھایا اور آپ (صلی اللہ علیہ وآلہ وسلم) مرضِ وفات میں تھے۔ پھر آپ نے فرمایا : اے اللہ ! کیا میں نے تیرا دین پہنچا دیا ہے ؟ آپ نے یہ کلمات تین بار کہے، پھر فرمایا : نبوت کی بشارتوں میں سے صرف سچے خواب باقی رہ گئے ہیں ، جنہیں مومن بندہ دیکھتا ہے یا اسے دکھائے جاتے ہیں۔ خبردار ! بیشک مجھے رکوع اور سجدے میں قرآن پڑھنے سے منع کیا گیا ہے، لہٰذا جب تم رکوع کرو تو اللہ تعالیٰ کی عظمت بیان کرو اور جب تم سجدہ کرو تو اس میں زیادہ سے زیادہ دعا کرو۔ تمہاری دعا قبول کی جائے گی۔