(٢٧١٤) حضرت براء (رض) سے روایت ہے کہ انھوں نے سجدے کا طریقہ بیان کرتے ہوئے اپنے ہاتھوں کو پھیلایا اور اپنی پشت کو اوپر اٹھائے رکھا اور پیٹ کو زمین سے اور بازوؤں کو پہلوؤں سے دور رکھا اور فرمایا : رسول اللہ (صلی اللہ علیہ وآلہ وسلم) اسی طرح سجدہ کیا کرتے تھے۔
(ب) ابو اسحاق فرماتے ہیں : ہمیں براء بن عازب (رض) نے سجدے کا طریقہ بتلایا۔ انھوں نے اپنے ہاتھوں کو زمین پر رکھا اور اپنے گھٹنوں پر سہارا لیا اور اپنی پشت کو اوپر اٹھا لیا اور فرمایا : رسول اللہ (صلی اللہ علیہ وآلہ وسلم) اسی طرح سجدہ کیا کرتے تھے۔