(٢٧٧١) (ا) ایک دوسری سند میں ہے کہ محمد بن عمرو بن عطا سے روایت ہے کہ وہ رسول اللہ (صلی اللہ علیہ وآلہ وسلم) کے صحابہ کی ایک جماعت میں بیٹھے تھے۔ پھر انھوں نے مکمل حدیث ذکر کی۔
(ب) امام بیہقی (رح) فرماتے ہیں : امام بخاری (رح) فرماتے ہیں کہ انھوں نے پاؤں کی انگلیوں کے کنارے قبلہ رخ کیے ، پھر جب دو رکعتوں کے بعد بیٹھے تو بائیں ٹانگ پر بیٹھے اور دائیں پاؤں کو کھڑا کیا اور جب آخری قعدہ میں بیٹھے تو بائیں پاؤں کو بچھایا اور دائیں پاؤں کو کھڑا کیا اور سرین پر بیٹھے۔