(٢٧٧٩) علی بن عبدالرحمن معاوی فرماتے ہیں کہ عبداللہ بن عمر (رض) نے مجھے نماز میں کنکریوں سے کھیلتے ہوئے دیکھا، جب وہ نماز سے فارغ ہوئے تو مجھے منع کیا اور فرمایا : ایسے کرو جیسے رسول اللہ (صلی اللہ علیہ وآلہ وسلم) کیا کرتے تھے۔ میں نے پوچھا : رسول اللہ (صلی اللہ علیہ وآلہ وسلم) کیسے کیا کرتے تھے ؟ انھوں نے فرمایا : آپ جب نماز میں بیٹھتے تو داہنی ہتھیلی کو دائیں ران پر رکھتے اور تمام انگلیوں کو بند کرلیتے اور شہادت والی انگلی سے اشارہ کرتے اور بائیں ہتھیلی بائیں ران پر رکھتے۔