(٢٨٠) سیدنا مغیرہ بن شعبہ (رض) فرماتے ہیں کہ رسول اللہ (صلی اللہ علیہ وآلہ وسلم) قضائے حاجت کی وجہ سے جماعت سے پیچھے رہ گئے، میں بھی آپ (صلی اللہ علیہ وآلہ وسلم) کے ساتھ تھا۔ جب آپ (صلی اللہ علیہ وآلہ وسلم) نے اپنی حاجت پوری کرلی تو فرمایا : ” کیا تیرے پاس پانی ہے ؟ “ میں پانی کا ایک برتن لے آیا، آپ (صلی اللہ علیہ وآلہ وسلم) نے پہلے اپنے ہاتھوں کو دھویا، پھر اپنے چہرے کو دھویا، پھر اپنے بازؤ وں کو نکالنا شروع ہوئے تو جبے کی آستین تنگ ہوگی، آپ (صلی اللہ علیہ وآلہ وسلم) نے جبے کے نیچے سے ہاتھوں کو نکالا اور جبے کو اپنے کندھوں پر ڈال دیا، پھر اپنے بازوؤں کو دھویا اور اپنی پیشانی، پگڑی اور موزوں پر مسح کیا، پھر (سواری پر) سوار ہوگئے۔