(٢٨٠٤) مطرف فرماتے ہیں کہ میں اور عمران بن حصین (رض) نے سیدنا علی بن ابی طالب (رض) کے پیچھے نماز پڑھی ۔ آپ (رض) جب سجدہ کرتے تو تکبیر کہتے اور جب سجدے سے اپنا سر اٹھاتے تو بھی تکبیر کہتے اور جب دو رکعتوں سے کھڑے ہوتے تو تکبیر کہتے۔ جب انھوں نے نماز مکمل کی تو عمران (رض) نے میرا ہاتھ پکڑ لیا اور بولے : واقعی انھوں نے ہمیں رسول اللہ (صلی اللہ علیہ وآلہ وسلم) کی نماز یاد کروا دی یا فرمایا کہ انھوں نے ہمیں رسول اللہ (صلی اللہ علیہ وآلہ وسلم) کی طرح نماز پڑھائی۔
یہ الفاظ یحییٰ بن یحییٰ کی حدیث کے ہیں اور سلیمان کی حدیث کے الفاظ یہ ہیں کہ جب ہم نماز سے فارغ ہوئے تو عمران (رض) نے میرا ہاتھ پکڑ لیا۔