(٢٨٢٣) (ا) حضرت عبداللہ بن عمرو (رض) فرماتے ہیں کہ رسول اللہ (صلی اللہ علیہ وآلہ وسلم) نے فرمایا : جب آدمی اپنی نماز کے آخر میں (آخری) سجدے سے سر اٹھانے کے بعد اور سلام پھیرنے سے پہلے بےوضو ہوجائے تو اس کی نماز ہوگئی۔
(ب) عبدالرحمن بن زیاد سے روایت ہے کہ جب امام (آخری قعدہ میں) بیٹھ جائے ، پھر سلام پھیرنے سے پہلے بےوضو ہوجائے تو اس کی نماز مکمل ہوگئی۔
(ج) اسی روایت کو معاذ بن حکم نے عبدالرحمن بن زیاد سے روایت کیا ہے اور اس میں یہ اضافہ کیا ہے کہ وَقَضَی فِیہِ تَشَہُّدَہُ کہ اس میں تشہد مکمل کرچکا ہو۔