(٢٨٥٩) ربیعہ بن حارث اور عباس بن عبدالمطلب (رض) فرماتے ہیں کہ اگر ہم اپنے ان دو غلاموں اور فضل کے غلاموں کو رسول اللہ (صلی اللہ علیہ وآلہ وسلم) کے پاس بھیجیں اور رسول اللہ (صلی اللہ علیہ وآلہ وسلم) ان کو اس صدقہ پر امیر بنادیں تو یہ ادا کریں گے جو لوگ ادا کرتے ہیں اور انھیں بھی وہی نفع ملے گا جو دیگر لوگوں کو ملے گا، پھر انھوں نے مکمل حدیث ذکر کی جو ان دونوں کے نبی (صلی اللہ علیہ وآلہ وسلم) کے پاس حاضر ہونے تک ہے، پھر نبی (صلی اللہ علیہ وآلہ وسلم) نے فرمایا : خبردار ! بیشک محمد (صلی اللہ علیہ وآلہ وسلم) اور آلِ محمد کے لیے صدقہ جائز نہیں، یہ تو لوگوں کی میل کچیل ہے۔۔۔ پھر ان دونوں کے نکاح اور حق مہر کے بارے میں مکمل حدیث ذکر کی۔