(٢٨٧٤) عمرو بن مرہ فرماتے ہیں : میں نے عبداللہ بن ابی اوفی (رض) سے سنا اور وہ بیعت رضوان والوں میں سے ہیں کہ رسول اللہ (صلی اللہ علیہ وآلہ وسلم) کے پاس جب لوگ صدقات کا مال لے کر آئے تو آپ نے فرمایا : اللَّہُمَّ صَلِّ عَلَیْہِمْ ” اے اللہ ! ان پر اپنی رحمت نازل فرما۔ “ میرے والد محترم آپ کی خدمت میں اپنی زکوۃ کا مال لے کر آئے تو آپ (صلی اللہ علیہ وآلہ وسلم) نے فرمایا : ” اللَّہُمَّ صَلِّ عَلَی آلِ أَبِی أَوْفَی “ اے اللہ ! ابو اوفی کی آل پر رحمت بھیج۔