(٢٩٦٨) (ا) حضرت عبداللہ بن مسعود (رض) سے روایت ہے کہ نبی (صلی اللہ علیہ وآلہ وسلم) نے مجھے تشہد سکھائی۔۔۔ پھر انھوں نے مکمل حدیث ذکر کی۔
(ب) عبداللہ بن مسعود (رض) فرماتے ہیں کہ جب تم اپنی نماز سے فارغ ہوجاؤ تو چاہو تو وہیں بیٹھے رہو اور چاہو تو سلام پھیر لو۔
(ج) شیخ (رض) فرماتے ہیں : یہ جملہ ” فاذا فرغت من صلاتک “ ہمیں اگر محفوظ ہو تو یہ اس روایت کے زیادہ مشابہ ہے جو نماز کو سلام کے ساتھ مکمل کرنے کے بارے میں عبداللہ بن مسعود (رض) سے پہنچی ہے اور اس کے بھی مشابہ ہے جس کو ہم عنقریب نبی (صلی اللہ علیہ وآلہ وسلم) سے سلام کے بارے میں روایت کریں گے، گویا کہ آپ (رض) کی مراد اس کے خلاف ہے جو نماز سے فارغ ہونے کے بعد امام کے پھرنے سے پہلے مقتدی کے پھرنے کو جائز نہیں سمجھتا۔ اگر پہلے والے الفاظ نبی (صلی اللہ علیہ وآلہ وسلم) سے ثابت ہوں تب بھی یہ سمجھا جائے گا کہ نبی (صلی اللہ علیہ وآلہ وسلم) کا عبداللہ بن مسعود (رض) کو تشہد سکھانا تشہد کے مشروع ہونے کے ابتدائی وقت میں تھا۔ بعد میں نبی (صلی اللہ علیہ وآلہ وسلم) پر درود کا حکم ہوا۔ اس کی دلیل صحابہ کا یہ قول ہے : ” قد عرضنا السلام “ یعنی سلام کا طریقہ ہمیں معلوم ہوگیا اب یہ بتائیں کہ ہم آپ پر درود کیسے بھیجیں ؟ پھر اس کے بعد نماز سے سلام پھیرنا مشروع ہوا۔ اسلام کی مشروعیت اس کے ساتھ ہوئی یا کچھ عرصہ بعد ہوئی۔ واللہ اعلم اور جو بھی اس کی تاکید کرے وہ بھی اس میں شامل ہے۔