(٣١٢٣) حضرت انس بن مالک (رض) سے روایت ہے کہ ان سے کسی نے پوچھا کہ کیا رسول اللہ (صلی اللہ علیہ وآلہ وسلم) نے صبح کی نماز میں قنوت (نازلہ) پڑھی ہے ؟ انھوں نے فرمایا : ہاں۔ پھر دریافت کیا گیا کہ رکوع سے پہلے یا بعد میں ؟ انھوں نے فرمایا : رکوع کے بعد مختصر سے وقت میں۔ راوی کہتے ہیں کہ میں نہیں جانتا کہ مختصر قنوت کا ذکر کیا یا قیام کا۔
یہ سلیمان کی حدیث کے الفاظ ہیں اور مسدد کی حدیث میں ہے کہ سیدنا انس (رض) سے دریافت کیا گیا : کیا نبی (صلی اللہ علیہ وآلہ وسلم) نے صبح کی نماز میں قنوت (نازلہ) رکوع سے پہلے پڑھی ہے یا بعد میں ؟ انھوں نے فرمایا : رکوع کے بعد مختصر مدت کے لیے۔