(٣١٤) سیدنا ابو امامہ نے نبی (صلی اللہ علیہ وآلہ وسلم) کے وضو کا تذکرہ کیا، فرماتے ہیں کہ نبی (صلی اللہ علیہ وآلہ وسلم) اپنی کن پٹیوں کا مسح کیا کرتے تھے اور آپ (صلی اللہ علیہ وآلہ وسلم) نے فرمایا : کان سر کا حصہ ہیں۔
(ب) سلیمان بن حرب کہتے ہیں : یہ ابو امامہ (رض) کا قول ہے۔ (ج) حماد کہتے ہیں : مجھے نہیں معلوم کہ یہ نبی (صلی اللہ علیہ وآلہ وسلم) کا قول ہے یا ابوامامہ (رح) کا ۔
(د) ابو سنان ربیعہ کی کتاب میں ” مأقین “ کے الفاظ ہیں، ابن داسہ کی روایت میں بھی اس طرح ہے۔
(ر) ابو سلیمان نے مأقین کی تشریح کی ہے کہ آنکھ کا وہ کنارہ جو ناک کے ساتھ ملا ہوتا ہے اور وہ آنسوؤں کے نکلنے کی جگہ ہے۔ گزشتہ روایات میں سر اور دونوں کانوں کے مسح کا مجمل بیان ہے اور کیفیت اس روایت میں ہے۔