(٣١٣٩) (ا) ابوحورا بیان کرتے ہیں کہ میں نے سیدنا حسن بن علی (رض) سے پوچھا : آپ نے رسول اللہ (صلی اللہ علیہ وآلہ وسلم) سے کیا سیکھا ہے ؟ تو انھوں نے فرمایا : آپ نے مجھے دعائیں سکھائی ہیں ، میں وہ پڑھتا ہوں ” اللہم اہدنی فیمن ہدیت۔۔۔“ ” اے اللہ ! مجھے ہدایت سے بہرہ ور فرما کر ہدایت یافتہ لوگوں میں شامل فرما اور مجھے عافیت دے کر ان لوگوں میں شامل فرما جنہیں تو نے عافیت بخشی ہے اور جنہیں تو نے اپنا دوست بنایا ان میں مجھے بھی شامل فرما اور جو کچھ تو نے مجھے عطا فرمایا ہے اس میں میرے لیے برکت عطا فرما اور جس شرکا تو نے فیصلہ کیا ہے اس سے مجھے محفوظ فرما اور بچا لے۔ بیشک تو ہی فیصلہ کرتا ہے تیرے خلاف فیصلہ نہیں کیا جاسکتا۔ “
میرا خیال ہے کہ انھوں نے یہ بھی فرمایا : ” جس کو تو والی بنا دے وہ کبھی ذلیل و خوار نہیں ہوسکتا۔ اے ہمارے رب ! تو ہی برکت والا اور بلند وبالا ہے۔ “ راوی فرماتے ہیں : میں نے اس کا ذکر محمد بن حنفیہ کے سامنے کیا تو انھوں نے فرمایا : یہ تو وہی دعا ہے جو میرے والد صاحب فجر کی نماز میں قنوت میں پڑھا کرتے تھے۔