(٣١٩٥) (ا) نافع بیان کرتے ہیں کہ سیدنا عبداللہ بن عمر (رض) نے فرمایا : جو آدمی اپنی نماز بھول جائے اور اسے اس وقت یاد آئے وہ کوئی دوسری نماز امام کے پیچھے پڑھ رہا ہو تو جب امام سلام پھیر دے تو وہ اس نماز کو پڑھے جو بھول گیا تھا، پھر اس کے بعد دوسری نماز کو لوٹائے۔
(ب) ابن وہب کہتے ہیں کہ امام مالک، لیث بن سعد اور یحییٰ بن عبداللہ بن سالم (رض) نے اسی کی مثل بیان کیا ہے۔
(ج) شیخ بیہقی (رح) فرماتے ہیں : دوسری نماز کا اعادہ کرنا جو امام کے ساتھ پڑھی امام شافعی (رح) کے نزدیک مستحب ہے نہ کہ واجب۔ واللہ اعلم