(٣٢٢٥) عمرو بن دینار فرماتے ہیں : میں نے جابر بن عبداللہ انصاری (رض) سے سنا کہ رسول اللہ (صلی اللہ علیہ وآلہ وسلم) زمانہ جاہلیت میں کعبہ کی تعمیر کے دوران لوگوں کے ساتھ پتھر ڈھو رہے تھے۔ آپ نے تہبند باندھ رکھی تھی۔ آپ کے چچا عباس (رض) نے کہا : اے میرے بھیجتے ! اگر تم تہبند اتار دو اور اس کو اپنے کندھوں پر پتھر کے نیچے رکھ دو (تو تمہارے لیے آسانی رہے گی) ۔ جابر (رض) کہتے ہیں : آپ نے تہبند اتار کر اپنے کندھے پر ڈال دیا تو آپ اسی وقت غش کھا کر گرپڑے ۔ اس کے بعد کبھی آپ کو برہنہ نہیں دیکھا گیا۔