(٣٢٣٩) (ب) صحابی کے قول انحسر یا اِنْکَشَفَ سے یہ دلیل نکلتی ہے کہ آپ (صلی اللہ علیہ وآلہ وسلم) نے قصداً ران خود ننگی نہیں کی تھی۔ سواری پر انسان کی ران یا ستر ہوا کی وجہ سے یا گرنے سے یا کسی اور وجہ سے بھی کھل سکتی ہے، لہٰذا یہ (قصداً ) کھولنے کی طرف منسوب نہ ہوگا۔
(ج) پہلی روایت میں صحابی کا قول ثُمَّ حَسَرَ الإِزَارَ عَنْ فَخِذِہِ ہوسکتا ہے میں یہ احتمال ہے کہ ران کھولنے سے مراد گلیوں کا تنگ ہونا ہو جن میں آپ (صلی اللہ علیہ وآلہ وسلم) سواری کو دوڑا رہے تھے۔ اس صورت میں یہ عمل گلیوں کی دیواروں کے سبب ہوگا نہ کہ نبی (صلی اللہ علیہ وآلہ وسلم) کے عمل سے یہ دیگر روایتوں کے موافق ہوگا جو اسماعیل وغیرہ سے منقول ہیں اور ان احادیث کے بھی موافق ہوگا جن میں ران کو ستر کہا گیا ہے۔
(د) اور حضرت انس (رض) سے روایت ہے کہ میرا گھٹنا رسول اللہ (صلی اللہ علیہ وآلہ وسلم) کی ران کو مس کررہا تھا۔ اس میں ران کے کھولنے کا ذکر نہیں کیا۔