(٣٢٩٩) محمد بن منکدر سے روایت ہے کہ جابر (رض) نے تہبند میں نماز پڑھی، اس تہبند کو انھوں نے اپنی گدی پر رکھ کر گرہ لگا دی اور ان کے کپڑے کھونٹی پر لٹکے ہوئے تھے۔ کسی نے کہا : کیا آپ (کپڑے ہونے کے باوجود) ایک کپڑے میں نماز ادا کرتے ہیں ؟ انھوں نے جواب دیا : سنو میں نے یہ کام اس لیے کیا تاکہ تمہاری طرح کے بیوقوف مجھے دیکھ لیں۔ ذرا بتاؤ ! رسول اللہ (صلی اللہ علیہ وآلہ وسلم) کے دور میں (فقر وغربت کی وجہ سے) ہم میں سے کس کے پاس دو کپڑے ہوتے تھے ؟