(٣٣٤٥) عبداللہ بن مسعود (رض) بیان کرتے ہیں میں (حبشہ سے) رسول اللہ (صلی اللہ علیہ وآلہ وسلم) کی خدمت میں حاضر ہوا آپ اس وقت نماز پڑھ رہے تھے۔ میں نے آپ کو سلام کہا لیکن آپ نے سلام کا جواب نہ دیا۔ مجھے نئی اور پرانی باتوں کی فکر لاحق ہوئی (جب رسول اللہ (صلی اللہ علیہ وآلہ وسلم) نے نماز مکمل کرلی) تو میں نے عرض کیا : اے اللہ کے رسول ! کوئی نیا حکم آگیا ہے کیا ؟ رسول اللہ (صلی اللہ علیہ وآلہ وسلم) نے فرمایا : اللہ تعالیٰ اپنے نبی کے لیے جو چاہتا ہے نیا حکم نازل کردیتا ہے۔ اب اللہ کا نیا حکم یہ ہے کہ تم نماز میں باتیں نہ کیا کرو۔