(٣٣٥٥) (ا) حمزہ بن عبداللہ اپنے والد سے روایت کرتے ہیں کہ جب آپ (صلی اللہ علیہ وآلہ وسلم) کی بیماری میں شدت آگئی تو آپ (صلی اللہ علیہ وآلہ وسلم) نے فرمایا : ابوبکر (رض) سے کہو کہ لوگوں کو نماز پڑھائیں تو سیدہ عائشہ (رض) نے عرض کیا : اے اللہ کے رسول ! ابوبکر (رض) نرم دل والے ہیں، جب آپ (صلی اللہ علیہ وآلہ وسلم) کی جگہ کھڑے ہوں گے تو لوگوں کو رونے کے سبب قرات نہ سنا سکیں گے۔ آپ (علیہ السلام) نے پھر فرمایا : ابوبکر سے کہیے وہ لوگوں کو نماز پڑھائیں۔ انھوں نے پھر اسی طرح بات کی جیسے پہلے کہی تھی تو رسول اللہ (صلی اللہ علیہ وآلہ وسلم) نے فرمایا : تم یوسف (علیہ السلام) کی عورتوں جیسی ہو۔ ابوبکر (رض) سے کہو کہ لوگوں کو نماز پڑھائیں۔
(ب) صحیح مسلم میں سیدہ عائشہ (رض) سے روایت ہے کہ ابوبکر (رض) نرم دل والے ہیں جب قرآن پڑھتے ہیں تو اپنے آنسوؤں پر قابو نہیں پاسکتے۔