(٣٥٠٢) (ا) ایک دوسری سند سے اسی کی مثل روایت منقول ہے مگر اس میں ” بین یدی الصف “ ہے ” بعض “ کا لفظ نہیں ہے اور فرمایا کہ مجھ پر کسی نے اعتراض نہ کیا۔
(ب) یونس بن یزید نے اس حدیث کو ابن شہاب سے نقل کیا ہے کہ یہ واقعہ منیٰ میں حجۃ الوداع کے موقع پر ہوا۔
(ج) معمر ابن شہاب ; سے اس کو روایت کرتے ہیں کہ حجۃ الوداع یا فتح مکہ کے دن اور حجۃ الوداع والا قول زیادہ صحیح ہے۔
(د) مؤطا کی کتاب المناسک سے ہم امام مالک (رح) کی روایت بیان کرچکے ہیں کہ انھوں نے اس حدیث میں فرمایا : ”إِلَی غَیْرِ جِدَارٍ “ دیوار کے علاوہ کی طرف۔
(ہ) امام شافعی (رح) فرماتے ہیں : سترے کے بغیر۔ واللہ اعلم ۔
(و) یہ بات اس آدمی کی خطا پر دلالت کرتی ہے جو یہ خیال کرتا ہے کہ آپ نے سترے کی جانب نماز پڑھی اور امام کا سترہ مقتدی کا سترہ ہوتا ہے۔ اس وجہ سے گدھے کے گزرنے سے ان کی نماز نہیں ٹوٹی اور امام مالک کی روایت میں اس بات کی دلیل ہے کہ آپ (صلی اللہ علیہ وآلہ وسلم) نے سترے کے بغیر نماز پڑھی۔