(٣٥٩) (الف) اسماعیل بن کثیر کہتے ہیں : میں نے عاصم بن لقیط بن صبرہ کو اپنے والد سے حدیث نقل کرتے ہوئے سنا کہ میں بنی منتفق کے لشکر میں نبی (صلی اللہ علیہ وآلہ وسلم) کی طرف گیا، میں نے کہا : اے اللہ کے رسول ! مجھے وضو کے بارے میں بتائیں، آپ (صلی اللہ علیہ وآلہ وسلم) نے فرمایا : مکمل وضو کر، انگلیوں کے درمیان خلال کر اور ناک میں خوب اچھی طرح پانی چڑھا مگر روزے کی حالت میں نہ کر۔
(ب) سیدنا عثمان (رض) نبی (صلی اللہ علیہ وآلہ وسلم) کے وضو کے بارے میں فرماتے ہیں : آپ (صلی اللہ علیہ وآلہ وسلم) نے اپنے قدموں کی انگلیوں کا بھی خلال کیا۔