(٣٦٣٤) (ا) حضرت سعید بن مسیب (رض) فرماتے ہیں : سنت یہ ہے کہ آدمی جب امام کے ساتھ مغرب کی نماز میں ایک رکعت پالے تو وہ امام کے ساتھ قعدہ اخیرہ کرے، جب امام سلام پھیر لے تو وہ کھڑا ہو کر دوسری رکعت پڑھے اور تشہد میں بیٹھے، پھر کھڑا ہو کر تیسری رکعت پڑھے اور اس میں تشہد پڑھے اور پھر سلام پھیرے اور دیگر نمازیں بھی اسی طریقے پر ہیں جن میں بیٹھا جاتا ہے۔
(ب) امام زہری (رح) فرماتے ہیں کہ حضرت سعید بن مسیب (رض) نے فرمایا : مجھے بتاؤ وہ کونسی نماز ہے، جس میں تین رکعتوں میں تین بارتشہد پڑھا جاتا ہے ؟ جب ان سے اس بارے میں پوچھا گیا تو فرمایا : یہ مغرب کی نماز ہے کہ آدمی سے ایک رکعت چھوٹ جائے، پھر وہ امام کے ساتھ دوسری رکعتیں جو پائے گا ان میں تشہد پڑھے گا اور آخری تشہد بھی پڑھے گا۔