(٣٦٤٠) حضرت جابر بن یزید بن اسود (رض) اپنے والد سے روایت کرتے ہیں کہ ہم نے منیٰ میں رسول اللہ (صلی اللہ علیہ وآلہ وسلم) کے ساتھ فجر کی نماز پڑھی تو دو آدمی آئے اور اپنی سواریوں پر ہی رک گئے۔ رسول اللہ (صلی اللہ علیہ وآلہ وسلم) نے ان کو بلانے کا حکم دیا۔ وہ گھبراہٹ کے عالم میں حاضر ہوئے تو آپ (صلی اللہ علیہ وآلہ وسلم) نے فرمایا : تم نے لوگوں کے ساتھ نماز کیوں نہیں پڑھی ؟ کیا تم مسلمان نہیں ہو ؟ انھوں نے عرض کیا : کیوں نہیں اے اللہ کے رسول ! لیکن ہم نے تو گھر میں نماز پڑھ لی تھی۔ آپ (صلی اللہ علیہ وآلہ وسلم) نے فرمایا : اگر تم اپنے گھروں میں نماز پڑھ بھی لو پھر تم جماعت کو پالو تو جماعت کے ساتھ بھی پڑھو۔ وہ تمہارے لیے نفل ہوجائے گی۔