(٣٦٤٩) حضرت نافع (رض) بیان کرتے ہیں کہ ایک آدمی نے حضرت عبداللہ بن عمر (رض) سے پوچھا : میں اپنے گھر میں نماز پڑھ لیتا ہوں، پھر جماعت کے ساتھ نماز ہو رہی ہوتی ہے تو کیا میں امام کے ساتھ نماز پڑھ لوں ؟ حضرت عبداللہ بن عمر (رض) نے فرمایا : ہاں امام کے ساتھ پڑھ لو۔ اس نے کہا : ان میں سے کونسی نماز کو میں فرض نماز بناؤں ؟ حضرت عبداللہ بن عمر (رض) نے فرمایا : کیا یہ تیرے اختیار میں ہے ؟ یہ تو اللہ کی طرف سے ہے جس کو چاہے فرض قرار دے۔