(٣٦٥٤) (ا) حضرت میمونہ (رض) کے آزاد کردہ غلام حضرت سلیمان (رض) بیان فرماتے ہیں کہ میں مدینہ کے قریب بلاط نامی مقام میں حضرت ابن عمر (رض) کے پاس آیا، آپ بیٹھے ہوئے تھے اور لوگ عصر کی نماز پڑھ رہے تھے۔ میں نے عرض کیا : اے ابوعبدالرحمن ! لوگ نماز پڑھ رہے ہیں اور آپ بیٹھے ہوئے ہیں ؟ انھوں نے فرمایا : میں نماز پڑھ چکا ہوں اور میں نے رسول اللہ (صلی اللہ علیہ وآلہ وسلم) کو فرماتے ہوئے سنا ہے کہ ایک دن میں فرض نماز دو بار نہ پڑھو۔
(ب) امام بیہقی (رح) فرماتے ہیں : یہ روایت اگر صحیح ہو تو اس کو اس پر محمول کیا جائے گا کہ اگر وہ نماز کو جماعت کے ساتھ ادا کرچکا ہو تو دوبارہ نہ پڑھے اور آپ (صلی اللہ علیہ وآلہ وسلم) کا فرمان کہ ایک دن میں ایک فرض نماز دو بار نہ پڑھی جائے کا مطلب یہ ہوگا کہ ان دونوں کو فرض سمجھتے ہوئے نہ پڑھے اور اصل بات یہ ہے کہ نماز کے اعادہ کا حکم اختیاری ہے حتمی نہیں ہے۔ واللہ تعالیٰ اعلم