(٣٦٥٦) سیدہ عائشہ (رض) فرماتی ہیں کہ رسول اللہ (صلی اللہ علیہ وآلہ وسلم) بیمار ہوئے تو آپ (صلی اللہ علیہ وآلہ وسلم) کے صحابہ عیادت کے لیے آئے۔ رسول اللہ (صلی اللہ علیہ وآلہ وسلم) نے بیٹھ کر نماز پڑھائی اور صحابہ نے آپ (صلی اللہ علیہ وآلہ وسلم) کی اقتدا میں کھڑے ہو کر نماز ادا کی تو رسول اللہ (صلی اللہ علیہ وآلہ وسلم) نے انھیں بیٹھنے کا اشارہ کیا، وہ بیٹھ گئے۔ جب آپ (صلی اللہ علیہ وآلہ وسلم) نماز سے فارغ ہوئے تو فرمایا : امام صرف اسی لیے ہوتا ہے کہ اس کی پیروی کی جائے، لہٰذا جب وہ رکوع کرے تو تم بھی رکوع کرو اور جب وہ رکوع سے سر اٹھائے تو تم بھی سر اٹھاؤ اور جب وہ بیٹھ کر نماز پڑھے تو تم بھی بیٹھ کر نماز پڑھو۔