(٣٦٨٥) (ا) حضرت ابوضحی (رح) سے روایت ہے کہ حضرت عبدالملک (رح) یا کسی اور نے سیدنا ابن عباس (رض) کے پاس طبیبوں کو دھاری دار چادر دے کر بھیجا ان کی آنکھوں میں پانی اتر چکا تھا طبیبوں نے کہا : آپ کو سات دن تک لیٹ کر نماز ادا کرنا ہوگی تو انھوں نے ام المومنین حضرت ام سلمہ اور حضرت عائشہ (رض) سے اس بارے میں دریافت کیا تو انھوں نے منع کردیا۔
(ب) حضرت مسیب بن رافع (رح) سے روایت ہے کہ حضرت ابن عباس (رض) نے فرمایا : اگر موت اس سے پہلے ہی آجائے تو تمہارا اس بارے میں کیا خیال ہے ؟