(٣٧٢٨) (ا) حضرت عقبہ بن عامر (رض) فرماتے ہیں کہ میں نے رسول اللہ (صلی اللہ علیہ وآلہ وسلم) سے پوچھا : اے اللہ کے رسول ! کیا سورة حج میں دو سجدے ہیں ؟ آپ (صلی اللہ علیہ وآلہ وسلم) نے فرمایا : ہاں ! جو شخص انھیں ادا نہ کرے وہ ان کی تلاوت ہی نہ کرے۔
(ب) حضرت خالد بن معدان (رض) سے روایت ہے کہ آپ (صلی اللہ علیہ وآلہ وسلم) نے فرمایا : سورة حج کو بقیہ قرآن پر دو سجدوں سے فضیلت دی گئی۔
(ج) حضرت امام بیہقی (رح) بیان کرتے ہیں : یہ روایت صحابہ (رض) کی ایک کثیر جماعت سے منقول ہے۔