(٣٧٦٨) (ا) حضرت ابوعبدالرحمن (رض) بیان فرماتے ہیں کہ حضرت سلمان (رض) کچھ ایسے لوگوں کے پاس سے گزرے جو سجدے والی آیت پڑھ رہے تھے۔ لوگوں نے کہا : کیا ہم بھی سجدہ کریں ؟ تو انھوں نے فرمایا : نہیں، ہم اس کے لیے نہیں چلے تھے۔
(ب) سیدنا ابن عباس (رض) فرماتے ہیں کہ سجدہ کرنا اسی پر واجب ہے جو اس کو سننے کے لیے بیٹھا ہو۔
(ج) حضرت سعید بن مسیب (رض) فرماتے ہیں : سجدہ تو صرف اس پر ہے جو اس کو سن رہا ہے۔
(د) سیدنا عثمان (رض) سے منقول ہے کہ سجدہ تو صرف اس پر ہے جو اس کے لیے بیٹھا ہے اور خاموش ہے۔