(٣٧٧٤) (ا) ام المومنین سیدہ عائشہ (رض) فرماتی ہیں کہ رسول اللہ (صلی اللہ علیہ وآلہ وسلم) نماز تہجد میں سجدہ تلاوت کرتے تو بار بار یہ دعا پڑھتے : سَجَدَ وَجْہِی لِلَّذِی خَلَقَہُ ، وَشَقَّ سَمْعَہُ وَبَصَرَہُ بِحَوْلِہِ وَقُوَّتِہِ ۔ ” میرے چہرے نے اپنے خالق کو سجدہ کیا، جس نے اس کے کان اور آنکھ میں اپنی قدرت و قوت سے مناسب شگاف بنائے۔ “
(ب) حضرت ابوعبداللہ (رض) نے اپنی روایت میں ان الفاظ کا اضافہ کیا ہے : فَتَبَارَکَ اللَّہُ أَحْسَنُ الْخَالِقِینَ ۔ ” بڑا بابرکت ہے وہ اللہ جو سب سے اچھا پیدا کرنے والا ہے۔ “
(ج) اس بارے میں سیدنا ابن عباس (رض) سے مروی مرفوع روایات گزشتہ صفحات میں گزر چکی ہے۔