(٣٨٦٢) (ا) ابوسلمہ بن عبدالرحمن (رض) سے روایت ہے کہ عمر بن خطاب (رض) نے لوگوں کو مغرب کی نماز پڑھائی تو اس میں قرات نہ کی ۔ جب انھوں نے سلام پھیرا تو کسی نے کہا : آپ نے قراءت نہیں کی تو انھوں نے فرمایا : رکوع و سجود کیے تھے ؟ اس نے کہا : بہت اچھے۔ انھوں نے فرمایا : تو پھر کوئی حرج نہیں۔
(ب) یہ امام شافعی (رح) کے قدیم قول پر ہے اور اس کو قراءت واجبہ پر محمول کیا جائے گا۔ امام شافعی (رح) فرماتے ہیں : یہاں راوی نے یہ ذکر نہیں کیا کہ انھوں نے سہو کے لیے سجدہ کیا اور نماز نہیں لوٹائی اور یہ انھوں نے مہاجرین و انصار کی موجودگی میں کیا ہے۔
(ج) امام بیہقی (رح) فرماتے ہیں : ہمارے نزدیک یہ (سورة فاتحہ کے علاوہ) زائد سورت پر محمول ہے یا جن نمازوں میں جہری قرات کرنی چاہیے ان میں سری قراءت پر محمول ہے۔
(د) حضرت عمر (رض) سے روایت ہے کہ انھوں نے نماز دوبارہ پڑھی۔ اس موضوع پر احادیث ” باب اقل ما یجزی “ میں آئیں گی۔ ان شاء اللہ تعالیٰ