(٣٨٦٦) (ا) سعید بن عاص (رض) سے روایت ہے کہ انھوں نے ظہر یا عصر کی نماز میں جہری قراءت کی۔ لوگ سبحان اللہ کہنے لگے مگر انھوں نے اپنی قراءت جاری رکھی۔ جب انھوں نے نماز مکمل کرلی تو فرمایا : ہر نماز کی قراءت ہوتی ہے اور مجھے ایسا کرنے پر سنت کی مخالفت نے نہیں ابھارا بلکہ میں نے بھول کر قراءت شروع کردی تھی، لیکن میں نے قراءت کو منقطع کرنا اچھا نہ سمجھا۔
(ب) قتادہ (رض) کے واسطے سے بیان کیا جاتا ہے کہ سیدنا انس بن مالک (رض) نے ظہر اور عصر کی نماز میں قراءت کی اور سہو سجدے نہیں کیے۔
اسی کی مثل خبات بن ارت (رض) سے بھی منقول ہے اور اس بارے میں عمر (رض) اور عبداللہ بن مسعود (رض) سے بھی منقول ہے۔