(٣٨٩٥) (ا) عمران بن حصین (رض) بیان کرتے ہیں کہ رسول اللہ (صلی اللہ علیہ وآلہ وسلم) نے عصر کی نماز تین رکعتیں پڑھا کر سلام پھیر دیا اور کھڑے ہو کر حجرے میں تشریف لے گئے۔ ذوالیدین (رض) کھڑے ہوئے اور عرض کیا : اے اللہ کے رسول ! کیا نماز کم ہوگئی ہے ؟ تو آپ (صلی اللہ علیہ وآلہ وسلم) غصہ کی حالت میں نکلے اور جو رکعت رہ گئی تھی وہ پڑھائی ، پھر سہو کے دو سجدے کیے اور سلام پھیرا۔
(ب) امام مسلم (رح) نے اپنی صحیح میں یہ حدیث اسحاق بن ابراہیم (رح) سے نقل کی ہے مگر اس میں یہ ہے کہ انھوں نے فرمایا : آپ (صلی اللہ علیہ وآلہ وسلم) نے جو رکعت رہ گئی تھی پڑھائی، اس کے بعد سلام پھیرا اور دو سجدے کیے، پھر سلام پھیرا۔