(٣٨٩٩) (ا) سلمہ بن علقمہ (رح) فرماتے ہیں : میں نے محمد بن سیرین (رح) سے پوچھا : کیا سہو کے سجدوں میں تشہد ہے ؟ انھوں نے کہا : ابوہریرہ (رض) کی حدیث میں تو میں نے نہیں سنا لیکن تشہد پڑھنا میرے نزدیک محبوب ہے۔
(ب) امام بخاری (رح) فرماتے ہیں : انس (رض) اور حسن (رض) نے سلام پھیرا اور تشہد نہیں پڑھی۔
(ج) قتادہ (رض) بیان کرتے ہیں کہ تشہد نہ پڑھے۔
(د) امام بیہقی (رح) فرماتے ہیں : اس بارے میں صحیح احادیث اس بات پر دلالت کرتی ہیں کہ انھوں نے سلام کے بعد بھی سجدے کیے لیکن ان کے لیے تشہد نہیں پڑھی۔ وباللہ التوفیق