(٣٩٠٢) عبداللہ بن مسعود (رض) بیان کرتے ہیں کہ ہم رسول اللہ (صلی اللہ علیہ وآلہ وسلم) کو سلام کہتے، آپ (صلی اللہ علیہ وآلہ وسلم) نماز میں ہوتے تو ہمیں سلام کا جواب دے دیتے تھے۔ جب ہم ہجرت حبشہ سے واپس آئے تو میں نے رسول اللہ (صلی اللہ علیہ وآلہ وسلم) کو سلام کیا لیکن آپ (صلی اللہ علیہ وآلہ وسلم) نے جواب نہ دیا تو میں نے عرض کیا : اے اللہ کے رسول ! آپ سلام کا جواب دیا کرتے تھے اب نہیں دے رہے ؟ آپ (صلی اللہ علیہ وآلہ وسلم) نے فرمایا : نماز میں مشغولیت ہوتی ہے۔