(٣٩٥٢) ابوہریرہ (رض) بیان کرتے ہیں کہ رسول اللہ (صلی اللہ علیہ وآلہ وسلم) نے فرمایا : جس شخص نے نماز پڑھی اور اس میں ام القرآن نہ پڑھی تو وہ نماز ناقص ہے، ناقص ہے ، ناقص ہے۔ ابو سائب (رح) فرماتے ہیں : میں نے ابوہریرہ سے کہا : میں بعض اوقات امام کے پیچھے ہوتا ہوں تو انھوں نے میرے بازو کو پکڑ کر فرمایا : اے فارسی ! اسے اپنے دل میں پڑھ لیا کر کیونکہ میں نے رسول اللہ (صلی اللہ علیہ وآلہ وسلم) کو فرماتے ہوئے سنا ہے کہ اللہ تعالیٰ فرماتا ہے : میں نے نماز کو اپنے اور اپنے بندے کے درمیان آدھا آدھا تقسیم کرلیا ہے اس کا نصف میرے لیے ہے اور نصف میرے بندے کے لیے ہے اور میرے بندے کے لیے وہ ہے جس کا اس نے سوال کیا۔ جب بندہ کہتا ہے : { الْحَمْدُ لِلَّہِ رَبِّ الْعَالَمِینَ } تو اللہ تعالیٰ فرماتا ہے : میرے بندے نے میری تعریف کی۔ جب بندہ کہتا ہے : { الرَّحْمَنِ الرَّحِیمِ } تو اللہ تعالیٰ فرماتا ہے : میرے بندے نے میری ثنا بیان کی۔ جب بندہ کہتا ہے : { مَالِکِ یَوْمِ الدِّینِ } تو اللہ تعالیٰ فرماتا ہے : میرے بندے نے میری عظمت کی بیان کی۔ جب بندہ کہتا ہے : {إِیَّاکَ نَعْبُدُ وَإِیَّاکَ نَسْتَعِینُ } اللہ تعالیٰ فرماتا ہے : یہ میرے اور میرے بندے کے درمیان ہے اور میرے بندے کے لیے وہی ہے جس کا اس نے سوال کیا۔ جب بندہ کہتا ہے : { اہْدِنَا الصِّرَاطَ الْمُسْتَقِیمَ } آخر سورت تک۔