(٣٩٧٣) ابو سعید خدری (رض) روایت کرتے ہیں کہ رسول اللہ (صلی اللہ علیہ وآلہ وسلم) نے فرمایا : نماز کی چابی وضو ہے اور اس کی تحریم تکبیر ہے اور اس کا حلال ہونا سلام پھیرنا ہے اور ہر دو رکعتوں میں سلام ہے اور نماز مکمل نہیں ہوتی، جب تک کہ سورة فاتحہ اور اس کے علاوہ کچھ اور بھی پڑھا جائے۔
ابو عبد الرحمن کہتے ہیں : میں نے ابوحنیفہ سے پوچھا کہ ” دو رکعتوں میں سلام ہے “ سے کیا مراد ہے ؟ انھوں نے فرمایا : وہ تشہد مراد لیتے تھے۔