(٤٠٥٧) عبداللہ بن عمرو (رض) فرماتے ہیں کہ رسول اللہ (صلی اللہ علیہ وآلہ وسلم) نے مجھے فرمایا : ہر ماہ میں قرآن ختم کر۔ میں نے کہا : میں (اس سے کم میں ختم کرنے کی) طاقت رکھتا ہوں۔ آپ نے فرمایا : تو پھر بیس راتوں میں ختم کرلیا کر۔ میں نے کہا : اس سے بھی زیادہ قوت پاتا ہوں۔ آپ نے فرمایا : تو پندرہ دنوں میں مکمل کرلیا کر۔ میں نے کہا : میں اس سے کم مدت میں ختم کرنے کی طاقت رکھتا ہوں۔ آپ نے فرمایا : تو اس کو دس دن میں ختم کرلیا کر۔ میں نے کہا : میں پھر بھی قوت رکھتا ہوں۔ آپ (صلی اللہ علیہ وآلہ وسلم) نے فرمایا : تو سات دنوں میں ختم کرلیا کر اور اس سے جلدی ختم نہ کر۔