(٤٠٩٠) سالم (رح) سے روایت ہے کہ ابن عمر (رض) نماز پڑھ رہے تھے، انھوں نے اپنے کپڑوں میں خون دیکھا تو نماز کو چھوڑ دیا اور ان کی طرف اشارہ کیا، وہ پانی لے کر آئے، انھوں نے کپڑے کو دھویا اور باقی نماز مکمل کی اور نماز کو دوبارہ نہیں لوٹایا۔
شیخ فرماتے ہیں : امام شافعی (رح) کا قدیم قول یہی ہے؛ کیونکہ انھوں نے ابو سعید اور ابن عمر کی روایات سے دلیل لی ہے، لیکن بعد میں رجوع کرلیا، فرماتے ہیں کہ وہ نماز کا اعادہ کرے گا اسے پہلے سے اپنے کپڑوں میں (ناپاکی کا) علم ہو یا نہ ہو۔ جیسے وضوء کا حکم ہے۔