(٤١٣٧) مغیرہ بن شعبہ (رض) سے روایت ہے کہ میں ایک سفر میں نبی (صلی اللہ علیہ وآلہ وسلم) کے ساتھ تھا، آپ (صلی اللہ علیہ وآلہ وسلم) نے فرمایا : اے مغیرہ ! برتن پکڑو، میں نے برتن پکڑا اور آپ (صلی اللہ علیہ وآلہ وسلم) کے ساتھ چلا، آپ (صلی اللہ علیہ وآلہ وسلم) چلتے چلتے مجھ سے چھپ گئے۔ پھر آپ نے قضائے حاجت کی۔ آپ (صلی اللہ علیہ وآلہ وسلم) نے تنگ آستینوں والا جبہ پہنا ہوا تھا، آپ (صلی اللہ علیہ وآلہ وسلم) نے آستین سے ہاتھ نکالنے کی کوشش کی، لیکن وہ تنگ تھی۔ آپ (صلی اللہ علیہ وآلہ وسلم) نے اپنا ہاتھ نیچے سے نکالا، میں نے آپ (صلی اللہ علیہ وآلہ وسلم) پر پانی ڈالا اور آپ (صلی اللہ علیہ وآلہ وسلم) نے نماز والا وضو کیا۔ پھر آپ (صلی اللہ علیہ وآلہ وسلم) نے موزوں پر مسح کیا اور نماز ادا کی۔ جبہ شامیہ نبی (صلی اللہ علیہ وآلہ وسلم) کے زمانہ میں مشرکین کا بنا ہوا ہوتا تھا اور یہ آپ (صلی اللہ علیہ وآلہ وسلم) پر تھا اور آپ (صلی اللہ علیہ وآلہ وسلم) نے نماز پڑھی۔