(٤١٤٢) انس بن مالک (رض) فرماتے ہیں کہ ہم نبی (صلی اللہ علیہ وآلہ وسلم) کے ساتھ مسجد میں بیٹھے ہوئے تھے، اچانک ایک دیہاتی آیا اور اس نے مسجد میں پیشاب کرنا شروع کردیا۔ صحابہ کرام (رض) اسے روکنے لگے تو آپ (صلی اللہ علیہ وآلہ وسلم) نے فرمایا : اسے چھوڑ دو ۔ صحابہ نے اسے چھوڑ دیا یہاں تک کہ اس نے پیشاب کرلیا، آپ (صلی اللہ علیہ وآلہ وسلم) نے فرمایا : یہ مساجد ہیں، ان میں پیشاب اور گندگی درست نہیں یہ تو اللہ کے ذکر نماز اور قرآن کی تلاوت کے لیے بنائی گئی ہیں یا جیسے نبی (صلی اللہ علیہ وآلہ وسلم) نے فرمایا۔ پھر آپ (صلی اللہ علیہ وآلہ وسلم) نے ایک شخص کو حکم دیا، وہ پانی کا ڈول لے کر آیا اور آپ (صلی اللہ علیہ وآلہ وسلم) نے اسے پیشاب پر بہا دیا۔