(٤٢٠) (الف) سیدنا ابن عباس (رض) نے خبر دی کہ میں نے اپنی خالہ ام المومنین سیدہ میمونہ (رض) کے گھر رات گذاری۔ میں تکیہ کی چوڑائی کے بل لیٹا اور سول اللہ (صلی اللہ علیہ وآلہ وسلم) اور آپ کے گھر والے لمبائی کے بل لیٹے۔ رسول اللہ (صلی اللہ علیہ وآلہ وسلم) سو گئے، جب آدھی رات ہوئی یا اس سے تھوڑی دیر پہلے یا بعد میں رسول اللہ (صلی اللہ علیہ وآلہ وسلم) بیدار ہوئے اور چہرے پر ہاتھ مل کر نیند دور کرنے لگے، پھر سو رہ آل عمران کی آخری دس آیات پڑھیں، پھر ایک لٹکی ہوئی مشک کی طرف گئے اس سے اچھی طرح وضو کیا، پھر کھڑے ہوئے اور نماز ادا کی۔۔۔
(ب) عبداللہ بن عباس (رض) فرماتے ہیں کہ میں نے آپ (صلی اللہ علیہ وآلہ وسلم) کو دیکھا کہ آپ (صلی اللہ علیہ وآلہ وسلم) نے کھڑے ہو کر مسواک کی، پھر وضو کیا اور آپ یہ آیات پڑھ رہے تھے : {إِنَّ فِی خَلْقِ السَّمَوَاتِ وَالأَرْضِ وَاخْتِلاَفِ اللَّیْلِ وَالنَّہَارِ لآَیَاتٍ لِّاُولِی الأَلْبَابِ } [آل عمران : ١٩٠] یہاں تک سورت ختم کردی۔