(٤١٩١) ابوالخر فرماتے ہیں کہ میں نے ابن وعلہ صباعی پر چمڑے کا لباس دیکھا تو میں نے اس کو چھوا۔ وہ کہنے لگے : کیوں چھوتے ہو ؟ میں نے ابن عباس (رض) سے اس کے بارے میں پوچھا تھا اور بتایا تھا کہ ہم مغرب میں رہتے ہیں اور ہمارے ساتھ بربری اور مجوسی رہتے ہیں، ہم مینڈھا لاتے ہیں تو وہ انھیں ذبح کردیتے ہیں اور ہم تو ان کا ذبیحہ کھاتے ہی نہیں اور ہم چکناہٹ والا مشکیزہ لاتے ہیں۔ ابن عباس (رض) نے فرمایا : نبی (صلی اللہ علیہ وآلہ وسلم) نے فرمایا تھا کہ چمڑے کو رنگنا اس کی پاکیزگی ہے۔