(٤٢٣٢) انس بن مالک (رض) سے روایت ہے کہ نبی (صلی اللہ علیہ وآلہ وسلم) نے جمرۃ عقبہ کو قربانی والے دن پتھر مارے، پھر اپنی جگہ پر منیٰ میں واپس آئے، قربانی منگوا کر ذبح کی، پھر سر مونڈنے والے کو بلایا، اس نے نبی (صلی اللہ علیہ وآلہ وسلم) کے سر کے دائیں جانب سے بال اتار دیے، آپ (صلی اللہ علیہ وآلہ وسلم) نے اپنے پاس بیٹھنے والوں میں ایک ایک، دو دو بال کر کے تقسیم کردیے، پھر اس نے نبی (صلی اللہ علیہ وآلہ وسلم) کے بائیں جانب کے بال اتارے۔ آپ (صلی اللہ علیہ وآلہ وسلم) نے فرمایا : کیا یہاں ابوطلحہ ہے ؟ وہ بال آپ (صلی اللہ علیہ وآلہ وسلم) نے ابو طلحہ (رض) کو دے دیے۔