(٤٢٤٠) ابوہریرہ (رض) سے روایت ہے کہ ایک دیہاتی مسجد میں داخل ہوا اور نبی (صلی اللہ علیہ وآلہ وسلم) تشریف فرما تھے۔ اس نے دو رکعت نماز ادا کر کے کہا : اے اللہ ! مجھ پر اور محمد (صلی اللہ علیہ وآلہ وسلم) پر رحمت فرما اور ہمارے علاوہ کسی پر رحمت نہ کر۔ نبی (صلی اللہ علیہ وآلہ وسلم) نے فرمایا : تو نے بڑی وسیع چیز کو بند کردیا ہے۔ تھوڑی دیر کے بعد اس نے مسجد میں پیشاب کردیا تو لوگوں نے اس کی طرف جلدی کی۔ آپ (صلی اللہ علیہ وآلہ وسلم) نے منع کیا اور فرمایا : اس پر پانی کا ڈول بہا دو ۔ تم آسانی کرنے والے بنا کر بھیجے گئے ہو نہ کہ تنگی کرنے والے۔