(٤٢٧٩) انس بن مالک (رض) فرماتے ہیں کہ نبی (صلی اللہ علیہ وآلہ وسلم) اخلاق کے اعتبار سے تمام لوگوں سے اچھے تھے۔ بعض اوقات نماز کا وقت ہوجاتا، آپ (صلی اللہ علیہ وآلہ وسلم) ہمارے گھر میں ہوتے۔ آپ (صلی اللہ علیہ وآلہ وسلم) کے حکم پر جھاڑو دیا جاتا، پانی چھڑکا جاتا، چٹائی بچھا دی جاتی تو نبی (صلی اللہ علیہ وآلہ وسلم) نماز کے لیے کھڑے ہوتے، ہم بھی آپ (صلی اللہ علیہ وآلہ وسلم) کے پیچھے کھڑے ہوجاتے۔ آپ (صلی اللہ علیہ وآلہ وسلم) ہم کو نماز پڑھاتے۔ اس وقت آپ (صلی اللہ علیہ وآلہ وسلم) کی چٹائی کھجور کی شاخوں سے بنی ہوئی تھی۔