(٤٢٨١) حضرت انس فرماتے ہیں کہ نبی (صلی اللہ علیہ وآلہ وسلم) ام حرام کے گھر تشریف لائے تو انھوں نے گھی اور کھجور پیش کی۔ آپ (صلی اللہ علیہ وآلہ وسلم) نے فرمایا : اس کو برتن میں ڈال دو اور اُس کو مشکیزے میں؛ میں روزے سے ہوں۔ پھر آپ (صلی اللہ علیہ وآلہ وسلم) نے دو رکعت نماز نفل پڑھی۔ ام سلیم اور ام حرام ہمارے پیچھے کھڑی ہوگئیں۔ ثابت فرماتے ہیں : مجھے یہی علم ہے کہ انھوں نے فرمایا : پھر آپ نے مجھے اپنی دائیں طرف کھڑا کرلیا، پھر ہمیں چٹائی پر شکرانے کے طور پر نماز پڑھائی۔